Manlaen-laen na putahe para sa manlaen-laen na mga bua

2008-07-16T09:34:00.000-07:00

2008-07-15T19:42:00.001-07:00

2008-07-15T19:42:00.000-07:00

2008-07-15T06:32:00.000-07:00

2008-07-13T06:52:00.000-07:00

close to you

2008-07-12T06:33:00.001-07:00

2008-07-08T19:40:00.000-07:00

Kitang buyong sa magkaibang paagi.

2008-07-06T14:12:00.000-07:00

Igwang luha sakuyang gatas,

Kaya ito minapaiton, gare serbesa,

An gabat nin saimong ulo nasa mesa,

Kapot mo pa an mikropono, tapos na an kanta.

An static na babayi sa telebisyon,

Sa lanob, an dalugdog nin orasan,

An tagilid na mesa,

Kita nakatukaw nakalunad sa paghahalat nin daliwawa sa sala.

Pig-ibahan kita ta habo mo na mag-solo, sisay an muya na mag-solo?

Muya ko mabarkada sakuyang isip kaya gatas an laog nin sakuyang mug,

Pero nabuyong ako kan luha ko nagtagdo,

Nabuyong ako bago an inot kong lagok.

An lyabe sa tuninong nakua sa pagdakop nin hangos

2008-07-06T06:51:00.000-07:00

Ngipon kan mga tawo sa bangui perlas,

An kalag nin saimong mata mangimigkimig pag ito saimong mahiling,

Sinda na nagkakanta sa tinampo, sinda na kapot-kamot sa gilid kan simbahan buda plaza,

Ika na solo sa diklom na nagkaon saimong kalag,

Gare ako ito… kaito,

Ngunyan dai mo na ako mahihiling, naglalakaw na daing padumanan sa Tabaco sentro,

Sisay ako pag bangui?

Ako an harong nin bangui, kataning padaba ko buda aki ko na naghahalat pighahalat magluwas,

Maugma an magkaiwang hangos na kayang kaputan,

Minabuka an mata nin angog, nagsarabatan an enerhiya sa kiray, at sakuyang namatean katuninungan

Na kaito mahalnasong maray, gare paros nin aligmayo.

Minahiling na sana sakuyang talenga sa luwas,

An bayle nin mga dahon, an sonata kan mga kulisap, an hiro nin ngimot buda bitis nin mga ayam.

Kinaban na nagsadit na sana sakong pigistaran,

Sadit na kinaban na pano nin masetas sa natad geograpikal buda pangiturugan na muklat,

Sadit na kinaban, ika an tulay na maghahatod sako sa ugma,

Bangui, ika an tunay na kolor nin kinaban, an diklom na sakuyang tulang

Na luway luway nababatak sa pagbagal nin tibok nin sakuyang puso,

Luway luway an pagrani mo ugma sa pagkapot ko sakuyang hangos,

Sakuyang hangos na sinhalaba nin bangui sa mga tao na solo solo sa Tabaco sentro.

Punk daa si Gugurang?

2008-07-06T04:20:00.000-07:00

Pamahaw…

Sinanlag batag chocolate bar, sarong baso na Milo,

Mahamantra nagkakanta sakong boombox

Si Marcus Garvey nasa isip ko buda si Charles Darwin…

Kun dapat na mahiling nin mga egoy na itom an dios arog ni Garvey,

Dapat mahiling man ni Darwin an dios niya sarong bakulaw.

Ako… an sakong dios punk:

Igwang studs, naka-DMs, stick-up, nagpapa-aso,

Nakapalibot sa Iya an igwang mga pakpak na sina

Johnny Rotten, Sid Vicious, Joey Ramone

Buda an mga barkada ko na Mohawk na tambay sa Tandem, Recto.

Hmmm… kan nakaaging aldaw nin siyudad nin pagkamoot,

Tahaw sa kaugmahan an Mutya nin Tabakla,

Sisay kaya an dios ni Mayores?

An lyabe sa tuninong nakua sa pagdakop nin hangos

2008-07-05T23:31:00.001-07:00

Ngipon kan mga tawo sa bangui perlas,

An kalag nin saimong mata mangimigkimig pag ito saimong mahiling,

Sinda na nagkakanta sa tinampo, sinda na kapot-kamot sa gilid kan simbahan buda plaza,

Ika na solo sa diklom na nagkaon saimong kalag,

Gare ako ito… kaito,

Ngunyan dai mo na ako mahihiling, naglalakaw na daing padumanan sa Tabaco sentro,

Sisay ako pag bangui?

Ako an harong nin bangui, kataning padaba ko buda aki ko na naghahalat pighahalat magluwas,

Maugma an magkaiwang hangos na kayang kaputan,

Minabuka an mata nin angog, nagsarabatan an enerhiya sa kiray, at sakuyang namatean katuninungan

Na kaito mahalnasong maray, gare paros nin aligmayo.

Minahiling na sana sakuyang talenga sa luwas,

An bayle nin mga dahon, an sonata kan mga kulisap, an hiro nin ngimot buda bitis nin mga ayam.

Kinaban na nagsadit na sana sakong pigistaran,

Sadit na kinaban na pano nin masetas sa natad geograpikal buda pangiturugan na muklat,

Sadit na kinaban, ika an tulay na maghahatod sako sa ugma,

Bangui, ika an tunay na kolor nin kinaban, an diklom na sakuyang tulang

Na luway luway nababatak sa pagbagal nin tibok nin sakuyang puso,

Luway luway an pagrani mo ugma sa pagkapot ko sakuyang hangos,

Sakuyang hangos na sinhalaba nin bangui sa mga tao na solo solo sa Tabaco sentro.

Pigapod ko an ngunyan na kasuhapon

2008-07-05T23:28:00.001-07:00

Kasuhapon an boses ko gare uminabot sa atop kan mga nakikig na harong Kan sa salog napasa an baso na sakuyang piglilinigan, An baso nagluwas nin liwanag na minatusok sakuyang batok na nagpa-aso sakuyang dugo, Dai ko namalisyahan na boses ko nasusulo na paros, Naghaldat sa daghan ni ina ko na dagit. Kasuaga an boses ni misis gare sumuksok sakuyang lawas, binali sakuyang mga tulang Ta dai ako nakaluto nin sira sa oras, An unan pigakap, minabalyo sa kabilang dagat kan higdaan, An sakuyang angog pigsulo kan daplos, Iyo, pig-ani ko an prutas kan makaskason kong hangos.

Rosal ( Para kay Lynneth Francisco)

2008-07-05T23:25:00.000-07:00

Rosal, dai ta malilikayan,

An oras maabot,

Satuyang hamot mapaaram,

Tibaad ako maugmang mahampang sa pagkaaalang

Kun ako mananatiling birhen

Sa duot nin mga mahihirong kalibangbang

Na taod-taod

Sa manlainlain na burak nagtutugdon.

Sana maugma an sakong pagluwas

2008-07-05T23:23:00.000-07:00

Sa higdaan kan itim na bayong,

An puno sa luwas nin bintana sa harani,

Nalingawan ko an pangaran nin puno,

An mga pandok nin mga bisita nabibistuhan ko sa tanog,

Dakul an mga hapon nagdadalagan an sine sa mata ko sa angog,

An mga bayong an patalastas sa pasali nin nag-aging panahon,

Paros, sakong pighahalat, paborito kong bisita,

Dai ako an lawas, osipon kan paros,

Dai ako an isip,

Pighiling ko an chanting beads ko sa mesa, kataning baso nin tubig,

Ako an lasa nin tubig, hinghing nin paros,

Haaa, kun pigsunod ko sana an paisi ni Krishna,

dai dipisil an pagluwas sa atop kan bintana.

An hadok nin mga dahon na naghadok sakuyang pisngi,

Gare kublit na sakong pighahanap,

Igwa pa akong uhaw na hapot an simbag,

An mga aki ko buda makuapo, an hirak ko sainda,

Sana saindang mabidbidan an lasa kan tubig.

Agom, kun ika buhay pa, baka ika sakong nalingawan sana,

Sana rumdom mo an sakong habilin sakong pagluwas,

Mapatawad mo sana ako sakong paglingaw,

Iparumdom mo sako na mapalad kita na kita nagkamidbidan,

Kun sisay an lasa kan tubig, dai tabi paglingawan.

Sarong hapon nagkakaskas sakong pagdalan nin mga imahe nin naghihirong tubig,

Wumasiwas kamot ko sa pag-abot kan baso kan tubig sa mesa,

Sarong dalugdog an sakong nadangog,

Pig-apod ko sakong mga apo, hali sa balon sakuyang tingog,

Si agom, ini maluya na man saiyang kwarto,

Daing mga padyak nagpamati sakong talenga,

Naghibi na ako sa pagdalan kan sine,

Kan sarong aki na nag-aataman sa mga baka an napaagi.

Paaram

2008-07-05T23:21:00.001-07:00

Pinakaon ko sa sulo

An litrato tang duwa

Tibaad…

Kaipuhan mo an init

Pag-abog mo sa Amerika

Kitang buyong sa magkaibang paagi.

2008-07-05T23:18:00.000-07:00

Igwang luha sakuyang gatas,

Kaya ito minapaiton, gare serbesa,

An gabat nin saimong ulo nasa mesa,

Kapot mo pa an mikropono, tapos na an kanta.

An static na babayi sa telebisyon,

Sa lanob, an dalugdog nin orasan,

An tagilid na mesa,

Kita nakatukaw nakalunad sa paghahalat nin daliwawa sa sala.

Pig-ibahan kita ta habo mo na mag-solo, sisay an muya na mag-solo?

Muya ko mabarkada sakuyang isip kaya gatas an laog nin sakuyang mug,

Pero nabuyong ako kan luha ko nagtagdo,

Nabuyong ako bago an inot kong lagok.

An pagtao ki grasya sa mga sadit tang tugang

2008-07-05T23:17:00.000-07:00

Sarong hapon sa karinderya na gari eskwela.

An pisog kan pagmangno nagluwas sakuyang mata

Hali sakuyang talenga, hali sa maburak na ngimot nin gurang:

An mga mukmok sa mesa pabayi, para iyan sa mga tanga.