Pigapod ko an ngunyan na kasuhapon

Kasuhapon an boses ko gare uminabot sa atop kan mga nakikig na harong Kan sa salog napasa an baso na sakuyang piglilinigan, An baso nagluwas nin liwanag na minatusok sakuyang batok na nagpa-aso sakuyang dugo, Dai ko namalisyahan na boses ko nasusulo na paros, Naghaldat sa daghan ni ina ko na dagit. Kasuaga an boses ni misis gare sumuksok sakuyang lawas, binali sakuyang mga tulang Ta dai ako nakaluto nin sira sa oras, An unan pigakap, minabalyo sa kabilang dagat kan higdaan, An sakuyang angog pigsulo kan daplos, Iyo, pig-ani ko an prutas kan makaskason kong hangos.